فراخ الكاجون + فاصوليا بيضاء بطريقة جديدة وخفيفة

فراخ الكاجون + فاصوليا بيضاء بطريقة جديدة وخفيفة

النهارده هنعمل مع بعض الفراخ بخلطة جديدة سهلة وبسيطة، ممكن تقدميها ليكي ولأسرتك كوجبة غداء.
كمان هنعمل مع بعض طريقة جديدة وخفيفة للفاصوليا البيضاء، سهلة التحضير ومفيدة ليكي ولأسرتك.
فراخ الكاجون
المقادير:
¼ كيلو فراخ مسلوقة مقطعة قطع صغيرة
ثمرة فلفل أخضر مقطعة قطع صغيرة
ثمرة فلفل أحمر مقطعة قطع صغيرة
2 عود كرفس مقطع قطع صغيرة
¼ كيلو سوسيس مقطع شرائح
¼ كوب بصل أخضر مبشور
بصلة مقطعة قطع صغيرة
ملعقة صغيرة بابريكا
ملعقة كبيرة زيت زيتون
ملعقة صغيرة فلفل أسود
½ ملعقة صغيرة توابل
3 كوب شوربة فراخ
3 فص ثوم مفروم
1/3 كوب دقيق
ملح

الطريقة:
1- سوي البصل والكرفس على نار هادية لمدة 5 دقائق، وضيفي عليه ملح وثمرة الفلفل الأحمر والأخضر والبصل الأخضر والثوم، وبعد كده ضيفي عليه زيت الزيتون والدقيق وقلبيهم مع بعض على النار لمدة 5 دقائق.

2- ضيفي على الخليط فلفل أسود وبابريكا والتوابل واستمري بالتقليب، وبعد كده ضيفي عليه الشوربة وسيبيهم على النار لحد ما الخليط يغلي، وبعد كده ضيفي السوسيس والفراخ، وبعد كده ضيفي الملح وقلبيهم مع بعض على النار لمدة 5 قائق.

3- ارفعي الخليط من على النار، وقدميه.. وبالهنا والشفا.
 
فاصوليا بيضاء بطريقة جديدة وخفيفة
المقادير:
½ كيلو فاصوليا بيضاء
2 شريحة فراخ بانيه مقطعة مكعبات
½ ملعقة صغيرة ليمون مبشور
كابوتشا مقطعة قطع صغيرة
2 ملعقة كبيرة زيت زيتون
4 فص ثوم مقطع شرائح
2 ملعقة صغيرة توابل
رشة فلفل أحمر
2 كوب شوربة
ملح

الطريقة:
1- اغسلي الكابوتشا كويس وسيبيها على جنب تنشف، وبعد كده حطي الثوم في الزيت على النار وضيفي عليه الشوربة وسيبيها تغلي على النار، وبعد كده ضيفي الفاصوليا وسيبيهم على النار لحد ما يغلوا مرة تانية.

2- ضيفي على الفاصوليا الملح وقطع الفراخ والليمون والتوابل وقلبيهم مع بعض على النار لمدة 3 دقائق، وبعد كده ضيفي الكابوتشا وسيبيهم على النار لمدة 5 دقائق مع التقليب، وبعد كده ارفعي الفاصوليا من على النار، وقدميها.. وبالهنا والشفا.

خلصت وصفتنا النهارده..
استنونا كل يوم مع وصفات جديدة..
سلام،،،



siege auto
شاركى على جوجل بلس

About aml

أنا أمل مؤسسة مجلة جمال حواء ، أعشق التدوين والطهي والقراءة ومتابعة كل جديد فى عالم الموضة والجمال ، وأتمنى أن تنال المجلة على اعجابكم .
    facbook Comment
    Blogger Comment

0 التعليقات :

إرسال تعليق

Related Posts Plugin for WordPress, Blogger...

......................................