منيو رابع رمضان (عصير الخوخ-كول سلو-فراخ المطاعم المشوية-جلاش بالشيكولاتة)



على سفرة النهارده هيكون موجود عصير الخوخ مع ماء الورد وسلطة كول سلو وشوربة البيتزا وفراخ مشوية على طريقة المطاعم وجلاش بالشيكولاتة وعلى السحور هنقدّم لك كرات البطاطس بالصوص الأبيض..


عصير الخوخ مع ماء الورد

المقادير:

2 ثمرة خوخ دون بِذر ومقطّعة
كوب عصير برتقال
ملعقة صغيرة ماء ورد
سكر حسب الرغبة
كوب ثلج


الطريقة:
1- اضربي كل المقادير مع بعض في الخلاط الكهربائي لغاية ما تتجانس مع بعضها، وبعد كده صفّي العصير وصبّيه في الكوبايات، وممكن تقطّعي خوخ مكعبات صغيرة وتحطّيها في الكوباية مع العصير عند التقديم.


سلطة كول سلو

المقادير:

3 ثمرة جزر
ثمرة كرنب صغيرة
½ ملعقة صغيرة ملح
5 ملعقة كبيرة مايونيز
ملعقة كبيرة سكر
ملعقة كبيرة خل
2 كوب زبادي
2 كوب لبن
عصير ليمونة


الطريقة:
1- قطّعي الكرنب شرائح رفيعة وصغيرة وحطيه في إناء عميق، وابشري الجزر عليه وقلّبيهم مع بعض.



2- اخلطّي باقي المقادير مع بعض وحطّيهم بعد كده على الكرنب والجزر وقلبيهم كويس.



3- حطّي السلطة في الثلاجة لمدة ساعتين وبعد كده قدّميها.


شوربة البيتزا

المقادير:

½ كوب فراخ مقطّعة مكعبات ومسلوقة 
½ ملعقة صغيرة (زعتر وأوريجانو وريحان)
كوب بصل مفروم أو مقطّع مكعبات
كوب فلفل أخضر مقطّع مكعبات
2 كوب طماطم مقطّعة مكعبات
½ كوب جبنة موتزاريلا مبشورة
3 كوب شوربة لحمة أو فراخ
كوب مشروم مقطّع شرائح
2 ملعقة كبيرة زيت زيتون
2 فص ثوم مفروم
كوب صلصة
ملح وفلفل


الطريقة:
1- سخّني الزيت في حلة علي نار متوسطة وبعد كده شوّحي فيها البصل والثوم والفلفل والمشروم لعدة دقائق.



2- ضيفي الشوربة وقطع الطماطم والصلصة وقطع الفراخ على الخليط، وتبّليها بالزعتر والأوريجانو والريحان والملح والفلفل، وسيبيها مع بعض شوية على النار.



3- اغرفي الشوربة في أطباق التقديم، وزينيها بالجبنة المبشورة وقدّميها.


فراخ مشوية على طريقة المطاعم

المقادير:

2 كيلو فراخ مقطّعة
2 ملعقة كبيرة معجون طماطم
1½ ملعقة صغيرة ثوم مفروم
ملعقة صغيرة روزماري جاف
2 ملعقة كبيرة زيت نباتي
ملعقة صغيرة زعتر جاف
2 كوب صغير زبادي
ملعقة صغيرة بابريكا
بصلة صغيرة مفرومة
ملعقة صغيرة كمون
ملعقة صغيرة كركم
ملعقة صغيرة كاري
ملعقة صغيرة بهارات
ملعقة صغيرة شطة
½ كوب خل
ملح وفلفل


الطريقة:
1- اخلطي كل المقادير مع بعض، وتبّلي فيها الفراخ، وحطّيها في الثلاجة لمدة يوم كامل.



2- هاتى صينية وحطّي فيها ورق ألومنيوم ورصّي فيها قطع الفراخ، ودخّلي الصينية في الفرن وسيبيها لغاية ما تستوي وتحمرّ وبعد كده اقلبيها علشان الجزء اللي تحت كمان يحمرّ.



3- طلّعي الفراخ وقدّميها في طبق التقديم وزيّنيها بأوراق بالبقدونس المفروم وشرائح الليمون.


جلاش بالشيكولاتة

المقادير:

½ كيلو جُلاش
كوب زبدة سايحة
كوب شيكولاتة مبشورة
كوب فول سوداني مطحون
 2 كوب سكر
كوب ماء
عصير ليمونة
فانيليا


الطريقة:
1- لتحضير الشربات، هاتي حلة وحطّي فيها الميه وكوب سكر وعصير الليمون، وسيبىيه لغاية ما الشربات يُعقد، وبعد كده ضيفي الفانيليا على الخليط وسيبيهم دقيقتين على النار، واطفي عليه وسيبيه يبرد.



2- اخلطي كوب السكر الباقي مع الشيكولاتة المبشورة والفول السوداني.



3- هاتي صينية وادهنيها زبدة، وافردي فيها نص كمية الجلاش وبعد كل 3 طبقات ادهني طبقة خفيفة من الزبدة.



4- حطّي خليط السكر والشيكولاتة والسوداني على الجلاش وبعدين افردي باقي كمية الجلاش عليهم وبعد كل 3 طبقات جلاش ادهني طبقة خفيفة من الزبدة.



5- قطّعي الجلاش على شكل مثلثات وبعدين دخّلي الصينية في الفرن على نار متوسطة لمدة 15 دقيقة أو لغاية ما الجلاش يبقى لونه دهبي، وبعد كده طلّعيه واسقيه بالشربات أول ما تطلعيه من الفرن، وبعد كده رصّي قطع الجلاش في طبق وقدميه.


للسحور.. كُرات البطاطس بالصوص الأبيض

المقادير:

5 ثمرات بطاطس كبيرة
¼ ملعقة صغيرة كمون
3 ملاعق كبيرة مايونيز
¼ ملعقة صغيرة زعتر
ملح وفلفل
علبة زبادي
ملح وفلفل


الطريقة:
1- اسلقي البطاطس في ميه وملح، وبعد ما تستوي قشّريها واهرسيها واعمليها على شكل كرات متوسطة الحجم، وحطّيها في صينية ودخّليها الفرن لغاية ما لونها يبقى دهبي.



2- اخلطي المايونيز مع الزبادي والثوم والملح والفلفل والكمون والزعتر، وبعد كده ضيفي الخليط ده على كرات البطاطس، ودخّليها في الفرن مرة ثانية لمدة 5 دقائق، وبعد كده طلّعيها حطّيها في طبق التقديم وزيَنيها بالبقدونس المفروم.
siege auto
شاركى على جوجل بلس

About aml

أنا أمل مؤسسة مجلة جمال حواء ، أعشق التدوين والطهي والقراءة ومتابعة كل جديد فى عالم الموضة والجمال ، وأتمنى أن تنال المجلة على اعجابكم .
    facbook Comment
    Blogger Comment

0 التعليقات :

إرسال تعليق

Related Posts Plugin for WordPress, Blogger...

......................................