هل مل زوجك منك, وبدأ فى انتقاد ملابسك وأسلوبك؟

هنتكلم بالبلدى علشان هيكون أسهل وهيوصل الفكرة أسرع.



لو حاسة انك متضايقة و شبابك بيضيع في البيت والعيال و خدمة زوجك.

لو حاسة ان جوزك بقى ينتقد لبسك وجسمك واسلوبك وحركاتك
هنا لازم تقفى وقفة مع نفسك مش هينفع تكملى كده ...اولا الشباب مش هيرجع ليكى تانى والراجل ان راح ياحلوة لاقدر الله يبقى خلص الكلام 
لو انتى من دول يبقى تعالى اقولك على شوية افكار ترجعى بيهم شبابك واعجاب جوزك بيك .


_نظافتك الشخصية اخبارها ايه؟؟؟؟؟
شعرك:
بتهتمى بنضافة شعرك وريحته ؟بتعملى حمام كريم مناسب ليه كده كل فترة لترطيبه ؟؟؟بتغيرى من قصته وتسريحته ؟؟فكرتى قبل كده تسالى جوزك نفسه تصبغى شعرك لون ايه ؟؟
بشرتك :
بتهتمى بغسيلها يوميا بغسول مناسب ولا لسه بتغسليه بالصابونة بتاعت الحوض ؟؟؟؟بتهتمى كل يوم بترطيبه بكريم مناسب لنوع بشرتك ولا لا؟كل فترة كده مبتروحيش عند متخصصين تعملى حمام بخار لوشك او حتى فى البيت ؟؟؟مبتعمليش ماسكات مغذية لبشرتك ؟؟
اقرئى: بالصور ماسك رائع لتنقية وشد وتنظيف جميع أنواع البشرة

كل اسبوعين كده مبتشليش الشعر الزايد منه (ماعدا الحواجب طبعا)؟؟

جسمك :
بتهتمى تجيبى شور جيل للحمام مرطب وريحته حلوة ؟لوشن مغذى لبشرة جسمك يخليه زى الحرير ؟؟؟ بتشيلى كل اسبوعين او على حسب نوع بشرتك الشعر الزايد من جسمك ؟؟
اقرئى: وصفة توضع على الجسم قبل الحلاوة لتعطيكى نتيجة رائعه
فكرتى تجيبى انواع مقشرات الجسم اللى بتخلى ناعم وحرير ؟
اقرئى: 
مقشر رائع للجسم يفتح جسمك وينعمه من الاستعمال الأول 

مكياجك وعطوك :
لسه بتجيبى الجديد منه وبتهتمى قوى بزينتك قدام جوزك ؟؟؟و بتغيرى كل فترة من عطورك وروايحك ؟؟ابتسامة
لسة بتلبسى العبايات الفسكوز والاميه والقطيفة ؟؟؟؟لسه بتلبسى الواسع والمهلهل عليكى ؟؟؟لو حاجة مخرومة ولادايبة ولا كمها ملسوع لسه بتلبسيه قدام جوزك ؟؟؟امتى اخر مرة جبتى قميص نوم جديد ؟؟؟بيجامة خفيفة شورت وبدى لجوزك ؟؟؟
وزنك :
مبتحاوليش تمشى على نظام غذائى يخفف وزنك ويخفف الترهلات اللى فى جسمك ؟؟؟مش بقولك تبقى مانيكان لا على الاقل وزن معقول.
اقرئى:
ريجيم السعرات المجرب: افقدى 1000 كالورى يوميا.


اسلوبك :

لسة بتزعقى وصوتك بيعلى كل مابتتكلمى مع جوزك ؟؟؟؟لما بيتصل بيكى جوزك على الموبيل لسه بتقوليله افندم ونعم واتفضل قول ؟؟لسة برضه اول مابيجى من برة بتمدى بوزك شبرين علشان يسالك مالك تروحى تفتحى على الرابع وتفضلى تشتكيله من العيال وامك واخواتك والزهق وانه سايبك طول اليوم ؟؟؟
بتزعقى وتسوطى فى وش عيالك قدامه ؟؟؟بتشتميهم يابن ال ....ويابنت ال....بالالفاظ دى عادى كده ؟؟؟لسة بتستخدمى غووورى ويازفت وياحمار ويانيلة وووووووو


اطفالك :
لسة بنتك شعرها منكوش من امبارح ؟؟بامبرز الواد من الصبح قالبة ريحة البيت وسايباه على كده؟؟؟لسه جوزك بيجى من برة بلاقى اللى هدومه طالعه من البنطلون واللى لابس بلوزة الترنج البمبى على بنطلون الترنج الازرق ؟؟؟لسه بيحى يبوسهم يلاقى بواقى الاكل على وشهم ؟؟؟

بيتك 
مواعينك لسة بتسيبيهم متكربسين فى الحوض طول اليوم ؟؟؟ولسة من الصبح غطا السرير متفردش ؟؟؟والبيت محتاج يتكنس ومتكنسش ؟؟
اقرئى:11 نصيحه رائعه لجعل غرفة نومك أكثر رومانسية
والعيال مكركبين البيت وسابيهم يضربوا يقلبوا
طب حمامك ومطبخك اخبارهم ايه ؟؟؟ اقرئى: بالصور 17 فكرة مميزة ورائعه لحمام منظم وأنيق



علاقتك الرومانسية:
هل تخبرينه كل يوم بحبك له , وكيف لاتستطيعين العيش بدونه, هل تقولين له كلمة أحبك قبل النوم..هل تتدكرين عيدميلاده وتفاجئينه أحيانآ حتى فى عدم وجود مناسبات؟
هل ترتبين له ليلة رومانسية من حين لآخر.

هل تتحدثون على الوسادة قبل النوم وتتدكرون مواقفكم الجميلة معآ.
اقرئى: بالصور و فى 10 خطوات رتبى ليلة رومانسية مع زوجك
هل تبعثين له رسائل حب من حين لآخر على موبايله أو حساباته على مواقع التواصل (الفيسبوك).
الحياة مشاركة والمنزل السعيد مسئولية كل من الزوج والزوجة , فلا تهملى نفسك وزوجك وبيتك ,لأنك تستحقين حياة مستقرة مليئة بالحب والرومانسية التى تخفف ضغوط الحياة.

ردى على الاسئلة بينك وبين نفسك وراجعيها وشوفى
siege auto
شاركى على جوجل بلس

About aml

أنا أمل مؤسسة مجلة جمال حواء ، أعشق التدوين والطهي والقراءة ومتابعة كل جديد فى عالم الموضة والجمال ، وأتمنى أن تنال المجلة على اعجابكم .
    facbook Comment
    Blogger Comment

0 التعليقات :

إرسال تعليق

Related Posts Plugin for WordPress, Blogger...

......................................